Մեկնություն - ՊՈՂՈՍ ԱՌԱՔՅԱԼԻ ՆԱՄԱԿԸ ՓԻԼԻՊԵՑԻՆԵՐԻՆ

ՆԵՐԱԾՈՒԹՅՈՒՆ

ՊՈՂՈՍ ԱՌԱՔՅԱԼԻ ՆԱՄԱԿԸ ՓԻԼԻՊՊԵՑԻՆԵՐԻՆ

Պողոս առաքյալի կողմից փիլիպպեցիներին գրված այս նամակն ուղղված է եվրոպական աշխարհամասի հռոմեական Մակեդոնիա նահանգում առաքյալի հաստատած առաջին եկեղեցուն: Նամակը գրվել է այն ժամանակ, երբ Պողոսը գտնվում էր բանտում: Նրան հակառակվող քրիստոնյաները խնդիրներ էին հարուցում, և Պողոսին խորապես մտահոգում էին եկեղեցում ուսուցված սխալ վարդապետությունները: Մյուս կողմից, սակայն, նամակում զգացվում է ուրախության և վստահության մի շունչ, որը բացատրվում է Հիսուս Քրիստոսի հանդեպ Պողոսի ունեցած խոր հավատով:

Նամակի գրության անմիջական պատճառն այն շնորհակալական խոսքն է, որ Պողոսն ուղղում է Փիլիպպեի քրիստոնյաներին՝ իրեն ուղարկված նյութական օժանդակության համար, երբ ինքը նեղության մեջ էր: Նա այս առիթն օգտագործում է հավատացյալներին գոտեպնդելու համար, որպեսզի նրանք ևս կորով և քաջություն ունենան, հակառակ իր և հավատացյալների կրած բոլոր դժվարություններին: Խնդրում է նրանց, որ համերաշխ լինեն միմյանց հետ և իրենց անձնական օրինակով ցույց տան Քրիստոսի խոնարհությունը, ոչ թե առաջնորդվեն եսասիրությամբ և հպարտությամբ: Առաքյալը հիշեցնում է, որ իրենց կյանքն արդյունքն է Քրիստոսի միության մեջ Աստծու շնորհի, որն ստացան հավատի միջոցով և ոչ թե Մովսիսական Օրենքի ծեսերին հնազանդվելով և դրանք կատարելով: Նա խոսում է այն ուրախության, հոգեկան այն երջանկության և խաղաղության մասին, որ Աստված տալիս է նրանց, ովքեր ապրում են Քրիստոսին միացած կյանքով, ուստի և հրավիրում է փիլիպպեցիներին, որ իր օրինակով ընթանան դեպի քրիստոնեական կյանքի նպատակակետը, այն է՝ նմանվել Հիսուս Քրիստոսին (3-րդ գլուխ):

Այս նամակը հատկանշվում է այն ուրախությամբ, վստահությամբ, միությամբ և հարատևությամբ, որ գոյություն ունի քրիստոնեական հավատի և կյանքի մեջ: Նամակում արտացոլված է նաև այն համակրանքը, որ Պողոս առաքյալը տածում է Փիլիպպեի եկեղեցու հանդեպ:

Հավանաբար նամակը գրվել է Հռոմում, 62-63թթ., որոշ մասնագետներ էլ գրության վայր են համարում Եփեսոսը, 54 թվականին:

ՆԱՄԱԿԻ ԱՄՓՈՓ ԲՈՎԱՆԴԱԿՈՒԹՅՈՒՆԸ

✠ Նախաբան (1.1-11)

✠ Պողոսի անձնական կացությունը (1.12-26)

✠ Քրիստոսով կյանք (1.27-2.18)

✠ Ծրագրեր Տիմոթեոսի և Եպաֆրոդիտոսի համար (2.19-30)

✠ Զգուշացում թշնամիներից և վտանգներից (3.1-4.9)

✠ Պողոսը և նրա փիլիպպեցի բարեկամները (4.10-20)

✠ Վերջաբան (4.21-23)

Փիլիպեցիներ 1 ✠ ՈՒՂԵՐՁ ԵՒ ՈՂՋՈՒՅՆ ✠ ԳՈՀՈՒԹՅՈՒՆ ԵՒ ԱՂՈԹՔ ✠ ՔՐԻՍՏՈՍ` ԿՅԱՆՔ ✠

Փիլիպ. 1:1-30,
Փիլիպ. 1:1-11 ,
Փիլիպ. 1:12-20,
Փիլիպ. 1:12-26 ,
Փիլիպ. 1:21-26
Փիլիպ. 1:27-30 /2:1-4/

Փիլիպեցիներ 2 ✠ ՔՐԻՍՏՈՍԻ ԽՈՆԱՐՀՈՒԹՅՈՒՆԸ ԵՒ ՄԵԾՈՒԹՅՈՒՆԸ ✠ ԼՈՒՅՍԻ ՆՄԱՆ ՓԱՅԼԵԼ ԱՇԽԱՐՀՈՒՄ ✠ ՏԻՄՈԹԵՈՍԻ ԵՒ ԵՊԱՓՐՈԴԻՏՈՍԻ ԱՌԱՔԵԼՈՒԹՅՈՒՆԸ ✠

Փիլիպ. 2:1-30,
Փիլիպ. 2:1-4 /1:27-30/ ,
Փիլիպ. 2:5-11 ,
Փիլիպ. 2:12-18,
Փիլիպ. 2:19-30

Փիլիպեցիներ 3 ✠ ՓՐԿՈՒԹՅԱՆ ՃՇՄԱՐԻՏ ՈՒՂԻՆ ✠ ԱՌԱ՜Ջ ԴԵՊԻ ՆՊԱՏԱԿ ✠

Փիլիպ. 3:1-21,
Փիլիպ. 3:1,
Փիլիպ. 3:2-8,
Փիլիպ. 3:9-14,
Փիլիպ. 3:15-21

Փիլիպեցիներ 4 ✠ ՎԵՐՋԻՆ ՀՈՐԴՈՐՆԵՐ ✠ ՇՆՈՐՀԱԿԱԼՈՒԹՅՈՒՆՆԵՐ ՈՒՂԱՐԿՎԱԾ ՆՎԵՐՆԵՐԻ ՀԱՄԱՐ✠ ՎԵՐՋԻՆ ՈՂՋՈՒՅՆՆԵՐ ✠

Փիլիպ. 4:1-24,
Փիլիպ. 4:1-9,
Փիլիպ. 4:10-24

Ընթերցել՝ ՊՈՂՈՍ ԱՌԱՔՅԱԼԻ ՆԱՄԱԿԸ ՓԻԼԻՊԵՑԻՆԵՐԻՆ